Stellenanzeige

• zurück zur Stellenübersicht

Wuměnjenja su:

- wučbna kwalifikacija za wučerstwo abo

- kwalifikacija wuwučowanja za dwaj předmjetaj resp.

- wotzamknjenje kwalifikacije po § 27 wotr. 2 wukaza za kwalifikaciju wučerjow abo

- fachowošulske wotzamknjenje jako wučer za delni schodźeńk z wotpowědnej wučbnej kwalifikaciju za němčinu, matematiku a wólbny předmjet,

- dwulětne wuwučowanje,

- jeli předleži wučbna kwalifikacija za wuwučowanje za druhu šulsku družinu hač za zakładnu šulu dopokazujomne dwulětne wuwučowanje w předmjetomaj němčina a matematika na zakładnej šuli,

- wěste wobknježenje serbskeje ertneje a pisomneje rěče,

- mzda / zarunanje znajmjeńša po niwowje A13 / E 13 w času požadanja.

Z lěpšinu su:

- nadpřerězne kmanosće ke koncepcionelnemu dźěłu kaž tež za organizatoriske a pedagogiske nawjedowanje a wobhospodarjenje šule, 

- wuwita kmanosć a zwólniwosć ke komunikaciji a kooperaciji,

- wobšěrne znajomosće na polomaj wuwiwanja šule a kwality wuwučowanja, wobdźělenje na fazomaj 1 a 2 modula za kwalifikaciju za nawjedowace wosoby

- zwólniwosć k inowaciji a nadpřerězny angažement při profilowanju šule,

- dalekubłanje na polu započatkarskeje wučby jeli předleži wučbna kwalifikacija za

  wuwučowanje na druhej šulskej družinje hač za zakładnu šulu.

Dźěłowe městno žada sej kreatiwne dźěłowe wašnje, kmanosć so přesadźić a organizować móc, wušiknosć při jednanjach, wysoku poćežujomnosć a fleksibelnosć. Nazhonjenja jako zastupowacy šulski nawoda (m/ž/d) abo jako referent (m/ž/d) šulskeho dohlada abo we wobłuku Sakskeho ministerstwa za kultus so witane.

Při spjelnjenju trěbnych wuměnjenjow je přewzaće do zastojnstwa móžne.     Wotpowědnje § 1 wotr. 2 wukaza wo starobnych hranicach móža so šulscy nawodźa (m/ž/d) kaž tež zastupowaci šulscy nawodźa (m/ž/d) na šulach w zjawnym nošerstwje hač k zakónčenju 52. žiwjenskeho lěta do zastojinstwa powołać; tute rjadowanje zhubi dnja 1. januara 2029 swoju płaćiwosć.   

Hódnoćenje městna (SächsBesO/TV-L) wopisuje kónčny staw zastojnskeho wuwića, kotryž  móže so přez powyšenje abo wyšestopnjowanje hakle docpěć, hdyž předleža wuwićoprawniske a tarifowe wuměnjenja. 

Za nowopostajenych šulskich nawodow (m/ž/d) je wobdźělenje na kwalifikaciji za nawjedowace mocy w šulach Sakskeje - zawodna kwalifikacija za zastojnstwo (faza 3) zawjazowace.

Pisomne požadanja maja so hač do wotpowědneho kónca požadanskeho časa po słužbnym puću na za wobsadźenje městna přisłušne stejišćo Krajneho zarjada za šulu a kubłanje zapodać.

Požadanju maja so přidać:

1.     formular za požadanje (hlej pod:  http://www.schule.sachsen.de/622.htm?id=181)

2.     tabelariski žiwjenjoběh,

3.     dospołne předstajenje wosobinskeho a powołanskeho wuwića,

4.     wopodstatnjenja za dalekubłanja na polu wjednistwa (dalokož předleža).

Požadanja, kotrež dóńdu po kóncu požadanskeho časa, so we procesu wuzwolenja njewobkedźbuja.

Zbrašeni a jim runjostajene požadarki a požadarjo wobkedźbuja so při samsnej kmanosći a samsnej kwalifikaciji prěnjorjadnje. Zbrašene a jim runjostajene wosoby so tuž wuraznje namołwjeja, so požadać. Požadanskim podłožkam maja so wotpowědne dokłady přidać.

Prosy so wo to, zo podadźa přistajeni Swobodneho kraja Sakska swoje přizwolenje k dohladej do swójskeje personalneje akty.

Prawniske informacije k škitej datow nastupajo wobchada z požadanskimi datami předleža na našej internetowej stronje pod https://www.smk.sachsen.de/bewerberdaten.